Градоначалникот на Киев, Виталиј Кличко демантираше дека изјавил „Украинците ќе бидат ослободени од Русија како што Албанците се ослободени од Србија“.
„Пријатели, поединечни странски интернет медиуми, вклучително и руски, почнаа да шират мој наводен цитат во врска со Србија и со Албанија. Јас тоа не сум го кажал. И пред да пренесат таков вид информација или нешто што цитираат, новинарите треба да побараат аудио или видео доказ од таква изјава“, порача Кличко.
„Слушнавме и читавме дека вие Албанците, како и ние Украинците, сте луѓе на мирот, слободољубиви, но и борци. Денес се бориме против рускиот режим, кој се обидува да ја окупира Украина, како вие кои некогаш бевте окупирани од Србија“, гласеше наводната изјава на Кличко.