Не претерувајте со ладењето, но немојте ни да возите во сауна.
При високи температури како оние што се најавени наредниве денови, возачите бараат освежување во клима-уредот, но не треба да се претерува. Екстремите сигурно не се добри, ниту премногу висока температура, ниту премногу ниска.
Шесте региони во државава Скопскиот (северно од Вардар), Осоговско-Малешевскиот, јужно од Вардар, Пелагонискиот и Охридско-Преспанскиот од денеска се зафатени од високи температури во портокалова фаза. Според прогнозата на Управата за хидрометеоролошки работи, времето денеска ќе биде сончево и многу топло со мала до умерена локална облачност. Минималната температура ќе биде во интервал од 14 до 23 а максималната од 34 до 41 степен Целзиусов. Слични температури се предвидуваат и за следните денови, па бидете внимателни и следете ги препораките.
Ако е 30°C надвор, не поставувајте ја климатизацијата во автомобилот на, на пример, 17°C. Не е ниту здраво ниту добро, особено кога ќе излезете од возилото по долго возење и ќе стапнете во тропски услови.
Германскиот автомобилски клуб ADAC обично препорачува температури помеѓу 22 и 25 степени. На тој начин ќе останете фокусирани додека возите.
Не насочувајте го воздухот директно кон главата или торзото, туку насочете го отворот за вентилација кон шофершајбната.
Потрошувачката на гориво со вклучен клима-уред расте до еден литар гориво на 100 километри. Но, не штедете на ова.
Дури и кога во автомобилот е 27 степени, станува стресно зад воланот. Температурата на телото и пулсот се зголемуваат.
Ова ја намалува способноста за концентрација и брзината на реакција.
Доколку температурата се зголеми од 25 на 35 степени, ризикот од несреќи се зголемува за 20 проценти. Ризикот е како да возите со 0,5 промили алкохол во крвта.
Која е за вас идеалната температура за возење и како ја прилагодувате климатизацијата во топлите денови?