Со добро планирање и подготовка на оброците може да ја балансирате исхраната во текот на денот, како и да спречите глад кој доведува до прејадување во текот на оброкот.
Нутриционистот Одра Вилсон вели дека клучот за избегнување на прејадување е планирањето кога ќе јадете. Всушност, јадењето оброци во редовни интервали во текот на денот може да помогне да се изборите со драматични болки и промени во расположението.
По ноќ без храна, појадокот е се што му треба на вашиот организам. Исто така, појадокот поставува основа за вашата исхрана во текот на целиот ден и ви дава енергија потребна за да се соочите со предизвиците на денот.
Ако го почнете денот со празен желудник може да се чувствувате исцрпено и до средина на утрото да посегнете по „грицки“ како чипс. Планирајте да појадувате во рок од еден час по будењето.
Ручекот би требало да биде околу 4 до 5 часа по појадокот. На пример, ако сте појадувале во 7 часот наутро, ручајте меѓу 11 и 12 часот. Ако не можете да јадете до 14 часот во одреден ден, тогаш планирајте ужина меѓу двата оброци.
Многу луѓе имаат тенденција да се прејадат за вечера бидејќи не јаделе доволно во текот на денот. За време на вечерата треба да го следите истиот распоред како и претходните оброци, да внимавате меѓу ручекот и вечерата не поминат повеќе од 4 до 5 часа.
Некои луѓе ќе мора да изедат ужина меѓу ручекот и вечерата бидејќи вечерата во 16 или 17 часот не е секогаш реална.
Многу луѓе велат дека не се гладни во одредено време за оброк, особено не за појадок. Ако го прескокнувате, го учите телото во тоа време да не испраќа сигнали на глад, бидејќи долго време биле игнорирани. На вашето тело му е потребна енергија наутро.
Ако почнете повторно секојдневно да појадувате, ќе се вратат природните знаци на глад.