Проценките се дека ова место добива иста количина сончеви зраци како и Венера преку едно лето.
Надморска височина од 4 илјади метри на која се наоѓа пустината Атакама во Чиле придонесува на тоа да просечните дневни температури за време на зимските месеци бидат околу 22 степени Целзиусови. Меѓутоа, за време на ноќта тие можат да се спуштат и на -2°C. За разлика од зимата, во летните месеци температурите се движат од 16 до 27°C. Со други зборови, климата и условите на ова место се различни од оние во останатите пустини.
Меѓутоа, придонесува и кон тоа да овој регион добива повеќе сончева светлина отколку и некои места што се наоѓаат во близина на екваторот.
Откако одлучиле да измерат колкава количина на светлина добива Атакама, научниците останале изненадени кога сфатиле дека таа држи рекорд од 2.177 вати по метар квадратен. Споредено, тоа е истата количина на светлина што планетата Венера ја добива за време на едно лето, а која се наоѓа на помала оддалеченост од сонцето отколку нашата планета, или речиси дупло помала количина од онаа што ја добиваат горните слоеви на земјината атмосфера.
Многумина се прашуваат зошто тоа се случува? Научниците истакнуваат дека за тоа постојат неколку причини. Пред сѐ бидејќи сончевото зрачење се пренесува низ атмосферата, каде го опсорбира водената пареа, а облаците и аеросолите го распрснуваат. Меѓутоа, бидејќи Атакама се наоѓа на надморска височина која се наоѓа над слојот од водена пареа и има помалку сончеви облаци, таа прима поголемо количество на светлина.
Втората причина е тоа што Чиле се наоѓа во јужната хемисфера, каде за време на летото земјината орбита е послиску до сонцето. Тоа, како што се наведува во студијата, резултира со пораст на сончевото зрачење во однос на северната хемисфера за 7%.
Резултатите од истражувањето се објавени во списанието Bulletin of the American Meteorological Society.
