Кога се наоѓате во близина на диви животни важно е цело време да бидете внимателни, без обѕир колку и да ви се чинат питоми и пријателски расположени.
Тоа на своја кожа го почувствува Џан Карло Триака од Канкун, Мексико, кој со неговата сопруга отишол на одмор во соседна Грција. Токму таму доживеал необична средба.
Имено, 42-годишниот Мексиканец и сопругата Ерика уживале во природа опкружени со пауни и диви животни, кога во еден миг од зад грб му пришол еден љубопитен елен.
Еленот делувал пријателски расположен, па Триака одлучил да направи селфи со него. Таква фотка навистина би била кул. Но, се покажало како лоша идеја. Еленот со молскавична брзина ги забил роговите во Мексиканецот и му скршил неколку ребра.
„Бев во голем шок кога тоа се случи. Многу ме болеше наредните неколку дена“, се потсетува Џан говорејќи за The New York Post, и вели дека во нападот му биле скршени неколку ребра.
„Се опоравив со многу лекови и мраз“, па додаде дека е многу благодарен што повредите не биле потешки и што не завршил во болница.
