Хроничните пробивачи на рокови не само што го трошат своето време, туку предизвикуваат и други колеги да си го губат времето.
Според нова студија, 19 отсто од испитаниците тврдат дека поминуваат еден до три часа неделно потсетувајќи ги колегите дека треба да ја завршат работата пред крајниот рок, а 75 отсто тврдат дека секогаш треба да чекаат бесполезно за деловните соработници да го завршат својот дел.
Истражувањето на 1.000 Американци покажа дека 50 отсто од работниците веруваат дека нивната продуктивност на работа е директно засегната од нивните соработници. Но, не завршува тука. 48 отсто од нив сметаат дека нивните колеги се виновни што не можеле да си ја завршат работата, па морале да ги пробијат роковите, покажала анкетата.
Третина од вработените во канцеларијата ги презираат колегите кои гласно зборуваат, а таквата навика е меѓу најдосадните, покажува истражувањето на американските компании Harris Interactive и Randstad. Гласните и зборливи колеги се едни од најголемите проблеми што го одвлекуваат вниманието во канцеларијата, но ова можете да им го ставите до знаење на дипломатски начин, за да не ги навредите.
Кажете: „Ми треба твојот совет. Знам дека може да биде предизвик да се работи толку блиску со другите. Дали има нешто што можам да направам за да ти олеснам бидејќи работиме толку блиску еден до друг? Дали правам нешто премногу гласно?“ Не знаеш додека не прашаш. Ова ќе му помогне на колегата да разбере дека треба самиот да работи на нешто, но во спротивно можеби ќе сакате да земете слушалки.
Но, ако сте еден од тие вработени и успеете да го препознаете, работете на тоа. Почнете да вежбате повеќе слушање наместо да зборувате. Исто така, погрижете се да го отстраните шумот во заднина бидејќи тој автоматски ве поттикнува вас и другите да зборувате погласно.
Понатаму, останете позитивни дури и кога зборувате негативно. Имено, луѓето често го креваат гласот кога ги бранат своите ставови пред некој што размислува поинаку. Останете смирени и секогаш кажувајте го своето мислење без да го повишите гласот.
Под изговор дека се болни, вработените бараат слободен ден најмногу затоа што само сакаат добро да се одморат. Или наспијат. И најчесто во среда, откри истражувањето на интернет порталот CareerBuilder.
Но, 63 отсто од газдите најмногу ќе се посомневаат во постоење на болест ако некој вработен побара слободен ден во понеделник или петок затоа што мислат дека сакаат да го продолжат викендот. Повеќето вработени „се извлекуваат“ на болест, а семејните проблеми се на второ место. 43 отсто од испитаниците признале дека лажат дека се болни најмалку еднаш годишно.
Покрај тоа што сакале да се одморат, 17 проценти од нив лажеле затоа што едноставно не им се оди на работа, 16 проценти затоа што морале да одат на лекар, а девет проценти затоа што имале многу недовршени домашни работи. Во компаниите кои вработуваат повеќе од 1.000 луѓе, без лекарско уверение, работодавците не препознаваат боледување. Затоа што тоа ги чини во просек по 760.000 долари годишно.
