За една врска да опстане љубовта не е доволна, потребно е да се вложи многу труд во неа. Факт е дека пропаѓаат и врски кои делувале стабилно и биле полни со љубов, па каде тогаш се крие проблемот?
Одговорот е едноставен, во одредени случаи врската не опстанува поради различни околности, а некои од самиот почеток се осудени на пропаст.
За кои врски станува збор?
1. Кога и двајцата партнери имаат потреба да бидат „ѕвезди“
Ако двајцата партнери подеднакво се успешни во нивните области, тоа на почеток може да биде добро. Имате многу заеднички теми, се сложувате, се мотивирате еден со друг. Но, неретко по некои време на некој начин се натпреваруваат. И едниот и другиот партнер бараат внимание, признание од другите, имаат потреба да бидат „ѕвезда“, да им се восхитуваат. Каде што има натпреварување, таму љубовта престанува.
2. И едниот и другиот сакаат да бидат лидери
Исто како и во претходниот пример, и овде има две слични личности – подеднакво силни, тврдоглави, со потреба да бидат главни, постојано да се во право. Не сакаат да признаат грешки. убаво е покрај себе да имате силна и стабилна личност, но љубовта бара многу толеранција. Ако не сте способни за компромис, а сакате да си терате по ваше, знајте дека таквата врска не трае долго.
3. Силна самоуверена жена и патријархален маж
Многу мажи и понатаму очекуваат жената да ги праша за мислење, за дозвола, се чувствуваат слободни да забранат нешто што жената го сака. Ако ваквиот маж очекува покрај себе да има независна, силна жена, се лаже. На таквата жена не ѝ треба некој да ѝ кажува што треба да прави, ниту таа има намера да бара дозвола. На оваа жена ѝ треба рамноправен маж, а не некој кој ќе ја кочи.
4. Незрел партнер
На почетокот може да ви биде симпатично кога тој е безгрижен како дете, но сериозната врска бара зрелост и кај двајцата партнери. Ако тој секогаш е без пари и позајмува од родителите, не сака да прифати одговорност, не е подготвен за семејство, не е способен сам да носи одлуки, тогаш значи дека сè уште е незрело дете во тело на маж. И ваквата врска нема иднина, освен ако не сакате да му бидете мајка.