Постојат работи кои не би требало да ги криете од партнерот ако сакате вашиот однос да се основа на доверба и почит.
Секоја врска е различна и се одвива според желбите на партнерите, но за некои работи едноставно треба да се биде искрен.
Финансиските прашања се една од најчестите причини за неуспешна врска или брак. Тоа е чувствително прашање кое се однесува на финансиските граници коишто сте ги поставиле во односот. Секако не е потребно да го известувате партнерот за секоја ситница што ќе ја купите со заедничките пари, но повисоките трошења би требало да бидат транспарентни.
Многу луѓе емоционалната афера ја гледаат подеднакво важна како и сексуалната. Иако е разбирливо да имате близок пријател со кој ги споделувате настаните од животот, тоа што е важно е да не ги преминувате дозволените граници. Ако вашиот партнер дознае дека со таа личност делите поинтимни работи отколку со него, тоа може да го повреди.
Ова е тајна која не е лесна за откривање. Ако сте имале афера и тоа го криете од партнерката, со текот на времето совеста може да ве изеде и во целост да ја уништите
врската. Ако постојано мислите на тоа што се случило, нема да бидете во можност да се посветите на саканата личност од страв дека може да бидете откриени.
И ова не е особено пријатна тема за разговор, но вашиот партнер заслужува да знае ако некогаш сте имале или имате сексуално-пренослива болест. Сексот е важен фактор на секој однос, важно е да истакнете ако сте имале вакви проблеми за да не направите непоправлива штета на врската или по здравјето на партнерот.
