Во исчекување на првото дете, многу идни мајки обично многу истражуваат, читаат книги, внимаваат на исхраната и секако, сонуваат. Сонуваат какви ќе им бидат деновите и ноќите откако тоа мало чудо ќе дојде на свет. Во втората бременост сѐ е различно, не полошо или подобро, туку едноставно различно.
Предноста е во тоа што знаете што да очекувате и на што сѐ треба да бидете подготвени, иако може да имате две сосема различни бремености и породувања. Ова се најголемите разлики меѓу првата и втората бременост, според мајките и лекарите.
Едукација
Во првата бременост не ја испуштате од рака книгата за бременост и женско здравје, а во втората читате само сликовници за првото дете. Немате ни многу време за книги, основите секако ги знаете, а и ако нешто не излезе како што е во книгата, не паничите оставате нештата да го заземат својот природен тек.
Избор на храна
Во првата бременост жените обично ги одбегнуваат сите намирници и видови храна што некогаш се нашле на некој список со работи забранети за трудници. Пијат доволно вода, здраво се хранат и редовно се движат. Во втората бременост секако се внимава што се јаде, но не со толкава ригорозност и страв, па се „дозволува“ малку туна или меко сирење.
Свесност за бременоста
Во првата бременост жените од првиот позитивен тест за бременоста се многу свесни за својата состојба и само на тоа мислат и само за тоа зборуваат. Во втората бременост, со исклучок на физичките симптоми како утринската мачнина, жените водат порелаксиран живот и паметот не им е само во бременоста.
Очекувања
Жените кои чекаат прво дете не можат ни да претпостават што да очекуваат од родителството. Не рамислуваат за постопородилното заздравување бидејќи во прв план им е бебето. Во втората бременост жените се малку пореални и однапред размислуваат што и како ќе направат, кога треба да побараат помош и како да се справат со несоницата и доењето.
Стравови
Во првата бременост жените се плашат и од сопствената сенка. Страв од користење козметика, јадење конзервирана храна, до трав да допрат нешто во јавност за да не им се пренесат бакетрии. Во втората бременост сѐ е многу поопуштено, вклучувајќи го стравот од доаѓањето на бебето и промените што ќе се случат во животот.
