Ако мислевте дека, да речеме, некој Volkswagen најдобро држи цена, сте се излажале. Шампионот доаѓа од Романија!
Барем кога се гледа германскиот пазар, каде веќе 18 години Auto Bild и Schwacke спроведуваат истражување на пазарот на половни автомобили.
Во анализата на резидуалната вредност на автомобилот се вклучени возила стари три години со поминати до 60.000 километри, а има дури 350 модели распоредени во 13 различни сегменти.
Апсолутен победник во сите класи е - Dacia Sandero Stepway TCe 90 со резидуална вредност од 66%. Единствениот модел кој може да му конкурира е Tesla Model S, победник во сегментот на електрични возила поскапи од 40.000 евра.
Гордоста на германската автомобилска индустрија ја бранеа Porsche (911 Carrera) во сегментот на спортски автомобили, Mercedes во сегментот на луксузни (С класа) и комбиња (V класа), BMW во високата класа (Серија 5) и Volkswagen со Golf во ниската средна класа.
Да го споменеме и Toyota RAV4 2.5 Hybrid во сегментот на компактни SUV модели. Заедничко за повеќето е тоа што преовладуваат бензинските модели, а дизелската опција останува интересна само во сегментот на комбиња и луксузни возила.