Александар Сорос е 37-годишниот син на светскиот инвеститор Џорџ Сорос, кој го презеде управувањето со огромното богатство на својот татко. Тоа се смета за пресврт од 180 степени од неговиот плејбој имиџ.
Член е на инвестицискиот семеен фонд кој има имот во вредност од 25 милијарди долари. Алекс, како што често го нарекуваат, сега е шеф на Фондацијата Отворено општество. Тој има намера да продолжи да ги поддржува целите на неговиот татко, кои првенствено се однесуваат на човековите права.
Некои се изненадени од одлуката на 92-годишниот бизнисмен да му го довери управувањето на Александар. Сепак, Џорџ во изјава за Wall Street Journal (WSJ) рече дека Александар го заслужил тоа.
Алекс е постариот син што Џорџ го доби со својата втора сопруга, историчарката Сузан Вебер. Не секогаш беше во прилија да ја преземе бизнис империјата. Довербата му беше дадена откако неговиот 52-годишен полубрат и Џорџ се скараа поради двајца поранешни вработени во семејниот труст.
Александар често е во друштво на моќни луѓе, како што се американскиот претседател Џо Бајден и канадскиот премиер Џастин Трудо. Тој на Instagram објавува фотографии кои сведочат за тоа.
Алекс првпат се најде на насловните страници во 2008 година поради објавување фотографии од луксузни забави на социјалните мрежи. Меѓу тие фотографии е и онаа на која тој се гледа како крстари со семејната јахта.
Му било многу непријатно по пишувањето на медиумите за забавите и затоа што го прикажувале како плејбој. Потоа рече дека станал карикатура.
Веќе во тоа време, тој започна да се занимава со добротворна работа, приклучувајќи се во одборот на Фондацијата Отворено општество, што го зближи со татко му. Сепак, подоцна имаше извештаи во печатот за неговите забави на кои лемодели и играчи на НБА.
Во тоа време Александар работел на својот докторат на Универзитетот во Калифорнија, Беркли, на тема „Еврејски Дионис: Хајне, Ниче и политиката на литературата“. Тоа се толкува како интелектуална страна на неговата личност.
Успеал да се докаже пред својот татко, но неговото преземање на деловната империја може да биде причина за антисемитски теории на заговор. Бројни теории на заговор се против семејството Сорос, па затоа се обвинети дека планираат да ја наполнат Будимпешта со бегалци, дека сакаат да предизвикаат граѓанска војна во Соединетите Американски Држави и дека користат пари и моќ за политичко влијание.
Александар се опиша себеси во изјава за WSJ како политички поумесен од татко му. Од декември 2021 година, тој бил во Белата куќа 17 пати, покажуваат официјалните извештаи. Тој најави и повеќе донации за левоориентираните политичари, пренесува Business Insider.
