Обожавателка на Доналд Трамп и американски патриот, жената била воен ветеран.
Американските медиуми го открија идентитетот на една од четирите жрви при упадот во Конгресот синоќа за време на седницата за потврда на победата на Џо Бајден.
Се работи за Ешли Бебит, воена ветеранка од американското воено воздухоплодство од Сан Диего, открива New York Post.
Пред упадот на приврзаниците на Трамп во зградата на Конгресот, Ешли на Twitter напишала:
„Ништо нема да нѐ запре... Можат да се обидат, но бурата е тука и се спушта врз Вашингтон за помалку од 24 часа... од мрак до светлина!“
Била омажена, а во воздухоплодството минала цели 14 години.
Само неколку часа пред заедно со останатите да упадне во Конгресот, Бебит на Twitter објавила и список на работи кои „мора да се направат пред да се состане Конгресот денес“. На нејзиниот список била оставката на потпретседателот Мајк Пенс и поднесување кривична пријава против него за предавство. Пенс синоќа не сакаше еднострано да ја одбие верификацијата на електорските гласови, поради што Трамп јавно го прозва на Twitter.
Ешли Бебит беше погодена со куршум за време на упадот во Конгресот, а почина по пристигнувањето во болница.
