На страницата Reviewed неодамна беше објавен детален водич за перење постелнина, на кој меѓу другото се вели дека постелнината треба да се пере после една недела до најмногу две, за да нема насобрано премногу мртви клетки од кожата, грини, телесни масти и бактерии.
За целосно чиста постелнина и ненарушен сон, водичот препорачува неколку чекори:
1. Прво, треба внимателно да ја проучите етикетата со упатствата за перење, за да можете да го прилагодите циклусот на вашата машина на ткаенината.
2. Пред перење третирајте ги сите дамки, а за дамки од крв користете ладна вода.
3. Изберете го вистинскиот циклус и температура на перење врз основа на упатствата и прилагодете према тоа колку е валкана постелнината; на пример, користете подолг циклус со многу високи температури за да ја отстраните маснотијата од постелнината.
4. Не преоптоварувајте ја машината бидејќи чаршафите мора да можат да се движат низ барабанот за да се исчистат.
5. Не користете листови за сушење бидејќи ја намалуваат способноста на ткаенината да апсорбира.
6. Топчињата за перење се одлични бидејќи можат да спречат да се собере вашиот материјал.
7. Ако можете, закачете ја измиената постелнина надвор, бидејќи сончевата светлина помага да се дезинфицира и остава свеж мирис ако нема загадувачи во близина.
8. Испеглајте ги чаршафите и перниците за да ги убиете бактериите и грините кои го преживеале перењето. Можете исто така да користите половина шолја сода бикарбона и половина шолја алкохолен оцет за перење на белата постелнина, чиј мирис ќе исчезне при перењето, а може да го заменат дури и омекнувачот.
