Основачот на Amazon, Џеф Безос е убедливо најбогатиот човек во светот. Според моменталните податоци, „тежи“ 189 милијарди долари.
Бројката на неговото богатство постојано варира, а Безос постави нов рекорд кога во понеделникот за еден ден заработи 13 милијарди долари, благодарение на порастот на акциите на Amazon.
На второто место е Бил Гејтс, со 119 милијарди долари.
Интересен факт е што минатата година Безос се разведе од сопругата Мекензи, на која ѝ препиша одреден бroј акции. Пред разводот, Безос имаше 16 проценти од акциите, на бившата сопруга ѝ даде 4 проценти, а за него останаа 12 проценти. Во тоа време вредноста на акциите кои ѝ ги даде на Мекензи беа околу 38 милијарди долари, а делот на Безос вредеше 115 милијарди.
Во меѓувреме, порасна вредноста на акциите, а со тоа се зголеми богатството на Безос, но и на Мекензи. Нејзиниот удел сега вреди 61 милијарда долари. Според Bloomberg, Мекензи сега е тринаесеттата најбогата личност во светот.
Да не се разведеше, Безос сега ќе имаше неверојатни 245 милијарди долари, а според вредноста на акциите од понеделникот, тоа би било над 250 милијарди.
Се очекува и понатаму да расте вредноста на акциите на Amazon, бидејќи навиките на купувачите се менуваат и сè повеќе се насочени кон онлајн набавки.
