Кошаркарите на Сан Антонио Спарс беа поразени на гостувањето кај Индијана Пејсерс со убедливи 152:111, а една од причините поради која Пејсерс славеа лежи во тоа што целосно го запреа Виктор Вембанјама.
Вембанјама натпреварот го заврши со само 13 поени со катастрофални 3/12 шут од поле, а едно од тие промашувања сите во салата во Индијанаполис ги остави запрепастени.
Францускиот кошаркарски вундеркинд при една акција со одличен дриблинг се ослободи од Арон Несмит, а потоа тргна на забивање.
За гигантот висок 224 сантиметри со распон на рацете од 240 сантиметри, во претходните пет средби немаше проблеми во овие ситуации, но сега конечно беше блокиран и тоа на спектакуларен начин.
Ајзеа Џексон, кој е 20 сантиметри понизок, го пречека под кошот и брилијантно го блокираше неговиот обид за забивање, притоа воодушевувајќи ги сите во салата.
„Ова значи дека тој е само човек“, „Добредојде во НБА“, „Како е чувството?“, се само дел од коментарите на фановите кои беа сведоци на една навистина ретка сцена.
