Европски научници за првпат докажаа дека коронавирусот го напаѓа човечкиот систем за одговор на стрес и го слабее одговорот на надбубрежните жлезди по зараза.
Истражувањето покажа дека коронавирусот ги напаѓа надбубрежните жлезди, со тоа ја слабее способноста на телото да ги произведе хормоните на стрес кортизол и адреналин, потребни за борбата против тешка инфекција.
Дел од телесниот одбранбен систем и жлездите се неопходни за опстанок во стресни ситуации, посебно кога станува збор за зараза со коронавирусот SARS-CoV-2. Истражувањето е објавено во ноември, во списанието The Lancet Diabetes and Endocrinology и е објавено од тим научници од Лондон, Цирих, Регенсбург и Дрезден.
„Резултатите од нашето најново истражување сега за првпат покажуваат дека вирусот во значителна мера директно го погодува човечкиот систем за одговор на стрес“, вели Стефан Борнстајн, директор на Центарот за интерна медицина во Дрезден.
Треба да се истражи дали тие промени директно влијаат на последици од долг ковид. Последните истражувања покажаа дека земањето стероиди спречува влошување на болеста кај заболени пациенти, а научниците веруваат дека некои лекови може да помогнат во ублажувањето на последиците од COVID-19.
Научниците анализирале податоци собрани од 40 пациенти во Дрезден, кои починале од COVID-19 и откриле дека анализата на ткивата покажала јасни знаци на воспаленија на надбубрежните жлезди.
