Актерката која се прослави со „Friends“ смета дека хуморот во денешните ситкоми не е на нивото од порано.
Кортни Кокс ја глуми Пет Фелпс во новата хорор комедија, серијата „Shining Vale“, која не е ситком. Воедно, тоа е нејзина прва главна улога во серија по ситкомот „Cougar Town“ кој заврши во 2015 година.
Но, Кортни е разочарана од модерните ситкоми и вели дека не би сакала повторно да се појави во таков, бидејќи стандардот е многу опаднат.
„Денешните ситкоми не се смешни како што беа порано. Ситкомот од кој произлегов јас е толку познат што сѐ уште му пркоси на времето. Толку е смешен што лесно се поврзува со секој. Би била преплашена да треба сега да правам нов ситком бидејќи не сакам да ме споредуваат со 'Friends'“, рече таа.
Иако Кортни не е воодушевена од модерните ситкоми, „How I Met Your Mother“ кој заврши во 2013 и „The Big Bang Theory“ кој заврши во 2019 навистина направија бум и поставија нови граници во ситкомите.
