Во интервју за The Sunday Times, Кортни Кокс накратко зборуваше за нејзиниот поранешен партнер во популарната серија „Friends“, Метју Пери.
Актерката откри колкав притисок чувствувал Пери додека снимале епизоди од култната серија и какво влијание имало врз неговото ментално здравје.
Кокс рече дека Пери, кој призна дека се борел со алкохолизмот, имал огромен притисок да биде забавен додека снимале сцени кои го прикажуваат ликот на саркастичниот Чендлер Бинг.
Актерите станаа познати имиња благодарение на нивните улоги како Моника Гелер и Чендлер Бинг во култната серија од 90-тите за петмината 20-годишници кои живеат во Њујорк.
Кокс истакна дека верува дека нејзиниот поранешен колега се чувствувал должен да ја насмее публиката во студиото додека снимале епизоди во студиото Warner Brothers во Лос Анџелес.
„Тоа беше голем притисок за него“, рече таа, објаснувајќи дека тој ја гледа својата вредност преку тоа колку успеал да ги насмее другите.
Актерката повторно се обедини со колегите Пери, Дејвид Швимер, Џенифер Анистон, Мет Лебланк и Лиза Кудроу за ретроспективната специјална емисија „The One Where They Get Back Together 2021“.
За време на специјалот, Пери призна дека неговото портретирање на Бинг и реакцијата на публиката на неговиот настап многу влијаеле на неговото ментално здравје.
„Се чувствував дека ќе умрам ако не се смеат“, рече тој.
Актерот во ноември ќе објави автобиографија со наслов „Friends, Lovers and The Big Terrible Thing “.
„Толку многу се пишуваше за мене во минатото. Па сметав дека е време луѓето да ја слушнат мојата приказна. Подемите беа високи, падовите беа ниски. Сепак, доживеав да ја раскажам приказната, иако понекогаш се чинеше дека не би сакал. И сето тоа е тука“, напиша тој во најавата.
