Шамсиа Хасани е првата жена која се занимава со улична уметност во Авганистан. Низ нејзината уметност се бори за унапредување на правата на жените во оваа земја.
По 20 години, талибанците повторно ја имаат контролата во земјата, а најголемата загриженост е како ќе бидат жените третирани, со оглед на претходниот брутален режим на талибанците.
Најновите цртежи на Хасани се инспирирани од емоциите поради моменталната состојба во Авганистан.
На социјалните мрежи таа објави емотивни цртежи кои ги отсликуваат стравовите за слободата и иднината на жените и девојчињата во Авганистан.
Нејзините најнови дела, наречени „Кошмар“ ги покажуваат талибанците како мрачни фигури кои никнуваат од сенките.
