Премиерот Димитар Ковачевски потврди дека во четврток ќе ја поднесе оставката, пред собраниската седница закажана за в петок, по што претстои формирањето на техничката влада во времетраење од три месеци.
„Цела влада ќе биде во оставка во четврток околу 10 наутро. Така што никој нема потреба од министрите да поднесува било каква оствка, бидејќи со оставката на претседателот на Владата, целата Влада е во оставка“, рече Ковачевски.
Оставка в четврток се очекува да поднесе и собранискиот спикер, Талат Џафери, кој ќе седне на местото на Ковачевски.
На седница ќе треба да се избере координаторот на СДСМ, Јован Митрески, за нов претседател на Собранието, а потоа Џафери ќе го добие мандатот за премиер на државата.
Изборот на владата на Џафери треба да биде направен викендов, најдоцна до полноќ на 28 јануари.