Во новата книга „The James Bond Archives“ во изданието за „No Time To Die“ , 53-годишниот актер Даниел Крег откри интересни детали за снимањето на Бонд филмовите.
Тој откри дека последниот настап во улогата на Џејмс Бонд го планирал пред 15 години, кога станал дел од шпионскиот филм „Casino Royale“ во 2006. Во книгата напишал дека им рекол на продуцентите дека сака да биде убиен.
„Кога почнав како Бонд во „Casino Royale“, една од првите расправи што ја водев со Барбара и Мајкл беше да ме убијат“, објаснува Крег во книгата.
Продуцентите Барбара Броколи и Мајкл Г. Вилсон, пак, открија дека имале идеја Бонд да добие ќерка, но на крајот се откажале од намерата.
