Актерот Крис Хемсворт објави дека ќе направи пауза во кариерата откако дозна дека има зголемен ризик од развој на Алцхајмерова болест.
Ѕвездата на „Thor“ до ова сознание дојде во текот на снимањето на документарната емисија Disney+ Limitless додека направи одредени тестирања.
Во таа прилика дозна дека има две копии на генот ApoE4, наследени по една од мајката и една од таткото, што ја прави веројатноста за ризик поголем од 8 до 10 пати поголем дека болеста може да се развие. Триесет и деветгодишниот актер истакна дека тестирањата ги потврдиле неговите најголеми стравувања и додаде дека ќе преземе превентивни чекори да не дојде до развој на болеста.
Алцхајмеровата болест е најчеста причина за деменција и може да предизвика сериозни проблеми со паметењето, конфузија и проблеми во комуникација.