Актерот Кристијан Бејл три пати го видовме во улогата на Брус Вејн, односно Бетмен во успешните филмови на режисерот Кристофер Нолан. Последните два филма од трилогијата заработија над милијарда долари.
Неодамна актерот за Screen Rant изјави дека воопшто нема да му смета да се појави и по четврти пат како Бетмен, но под еден услов – ако режисер биде Кристофер Нолан.
„Јас и Нолан направивме еден вид договор. Се договоривме да снимиме три филма за Бетмен, ако воопшто имаме прилика за тоа, и тука да застанеме. Кога Нолан би ми се јавил со идеја за четврти филм и изрази желба јас да учествувам во него, веднаш би ја прифатил неговата понуда“, вели Бејл.
Филмовите „Batman Begins“ (2005), „The Dark Knight“ (2008) и „The Dark Knight Rises“ (2012) засекогаш го променија жанрот на суперхеројски филмови. Според многумина, „The Dark Knight“ и понатаму е најдобриот суперхеројски филм некогаш направен.
По Бејл, во улогата на Бетмен ги видовме Бен Афлек и Роберт Патинсон. Патисон се појави како Бетмен во најновиот „The Batman“ филм кој заработи 770 милиони долари.
„Уште не сум го гледал филмот, но наскоро планирам. Роберт е одличен актер и кога последен пат се видовме ми кажа дека филмот е фантастичен“, изјави Бејл во интервју за Variety.
Иако не е познато дали повторно ќе го видиме во улогата на Мрачниот витез, Бејл секако повторно ќе се појави во уште еден суперхеројски филм и тоа на Marvel, „Thor: Love and Thunder“ во кој се појавува како главен негативец.