Актерот познат по улогата на научникот во „Back to the Future“ ќе гостува во третата сезона од спиноф приказната на „Star Wars“ франшизата.
Disney+ во моментов во Јужна Калифорнија ја снима третата сезона на „The Mandalorian“, а детали за улогата на Лојд не се објавени, освен тоа што ќе се појави како гостин на серијата.
„The Mandalorian“ веќе имаше едно звучно име како гостин кога во една епизода од втората сезона се појави Мајкл Бин, актерот кој го глумеше Кајл Рис во „The Terminator“ и „Terminator 2: Judgment Day“.
Сѐ уште не е најавено кога точно третата сезона ќе биде достапна за „Star Wars“ фановите. Lucasfilm моментално се подготвува за 25 мај за кога е закажано излегувањето на „Obi-Wan Kenobi“.
