Пандемијата на COVID-19, војната во Украина и низа други светски проблеми доведоа до нарушувања на глобалниот пазар. Освен што сме соочени со поскапување на различни производи, на светот му се заканува уште еден проблем – недостиг на храна.
Дознајте кои производи потенцијално би можеле да исчезнат од светските полици, пишува Eat This, Not That.
Леблебија (позната и како наут)
Љубителите на хумус би требало да размислат за тоа да ги пополнат своите резерви. Се заканува недостиг од леблебија, главната состојка за хумус, може да доживее пад на резерви од дури 20%.
Војната во Украина спречи посеви и извоз од Русија и Украина, две земји значајни за производство на наут. Австралија и Мексико исто така годинава се соочија со временски проблеми, вклучително и поплави што негативно се одрази на нивните посеви.
Пченка
По испитување на бројни полиња со пченка, во склоп на турнејата Pro Farmer Crop Tour, заклучено е дека огромни количини пченка не се баш во идеална состојба и тоа по сезоната на наезда на штетници, големи жештини и суша. Неколку американски сојузни држави имаа помали приноси од минатата година.
За жал, недостигот од пченка исто така може да значи недостиг на други производи како житарки, пченкарен сируп и пуканки.
Производи од домати
Сушата и високите температури дополнително ги оптоварија земјоделците кои се соочуваат со инфлација и поголеми трошоци за ѓубриво поради војната во Украина.
Сите овие неповолни временски услови можат на крај да доведат многу производи на баз на домати да станат помалку достапни. Тоа вклучува кечап, сос за тестенини и слично.
Пиво
Јаглерод диоксидот е еден од клучните состојки во производства на пиво, а веќе со години снабдувањето со овој гас е нестабилно. Обично се користи како средство за зачувување на вкусот и текстурата на замрзнати производи во текот на транспорт и складирање. Освен тоа, помага и во спречување храната да се расипе.
Според тоа, произведувачите на пица се соочуваат со слични проблеми како и произведувачите на пиво, а тоа може да резултира со недостиг на овие производи.
Маслиново масло
Шпанија и Италија се големи производители на маслиново масло, а сега закрепнуваат од ужасно тешкото лето. Летните температури соборија рекорди низ делови на западна Европа и завладеа голема суша. Аналитичарите проценуваат дека производството на маслиново масло во Шпанија би можело да падне за 25 до 30 проценти во споредба со минатата година.
Што се однесува на Италија, аналитичарите прогнозираат пад на производството на маслиново масло меѓу 20 и 30 процени. Со оглед на временските неповолности, војната во Украина и други проблеми, цената на маслиновото масло расте.
Чоколадо
Поради војната во Украина, за произведувачите е многу потешко да се набават сирови состојки како масло и какао. Истовремено, порасна и потрошувачката.
Мисиркино месо
Експертите предвидуваат недостиг на мисиркино месо, првенствено поради епидемијата на птички грип која е прогласена годинава. Американците во 2021 се соочија со сличен недостиг на мисиркино, па можеби ќе го плаќаат месото по повисока цена.
