Netflix конечно го објави првиот трејлер за крвавата француска историска серија „La Révolution“.
Од она што можеме да го видиме во трејлерот, серијата дефинитивно не е за гледачи „со слабо срце“ – исполнета е со насилство и крвопролевање.
Серијата која Netflix ја опишува како „поинаква замисла за Француската револуција“, ќе има премиера на стриминг платформата на 16 октомври.
Дејството во француската драма е сместено во 1787 година и ја следи приказната на човекот кој ќе ја изуми гилотината и ќе ја открие болеста „Сина крв“ која ги трансформира аристократите во убијци на обичниот народ.
Трејлерот почнува со реченицата „Ќе дојде денот кога робовите ќе ги скинат синџирите и напатените ќе ги здружат силите и ќе го кренат гласот во бунт“.
Подгответе се за брутални егзекуции и многу драма.
Главните улоги ги играат Амир Ел Касем, Лионел Ердоган, Марилу Осијо, Лоран Лукас и Жулјан Фризон.
