Во првите кола Барселона играше против двата најдобри баскиски тимови, оствари победа и реми, а тренерот Куман сфатил една работа: дека на Барса веќе никој не ѝ се плаши.
„Не сакам цело време да зборувам за една иста работа, но сепак зборуваме за најдоброт на светот. Нашите противници многу повеќе ни се плашеа кога Меси беше тука“, призна Роналд Куман на прес-конференцијата после синоќешниот натпревар.
„И нас ни е многу различно. Кога ќе му додадевме на Лео, обично тој не ја губеше топката. Сега веднаш се приметува дека го нема. Свесни сме за тоа и знаеме дека не можеме да промениме ништо“, додаде тој.
Барселона вчера гостуваше во Билбао кај Атлетик и одигра 1:1 откако прво губеше после голот на Ињаки Мартинес во 50-тата минута, а израмни на 15 минути пред крајот преку Мемфис Депај.
„Ремито беше фер резултат. Имавме шанси да победиме, но Атлетик се покажа во одлично светло. Играјќи на тој начин тие се тежок противник, така да не можам да бидам незадоволен од резултатот“.