Инвазијата на Русија врз Украина ќе биде важен дел од дискусиите на состанокот на министрите за надворешни работи на Г-20, но Индија, која е земја-домаќин, е уверена дека економските предизвици создадени од војната ќе добијат подеднакво внимание, рече шефот за надворешна политика на Индија, Винеј Кватра.
„Да, со оглед на природата и развојот на руско-украинскиот конфликт, тоа ќе биде важна дискусија“, изјави Кватра за новинарите во средата додека министрите за надворешни работи пристигнуваа во Њу Делхи.
„Прашањата поврзани со безбедноста на храната, енергијата и ѓубривата, влијанието што го има конфликтот врз овие економски предизвици со кои се соочуваме, исто така ќе добијат неопходно внимание“, додаде тој.
На состанокот ќе присуствуваат 40 делегации, меѓу кои и на рускиот министер за надворешни работи Сергеј Лавров, на американскиот државен секретар Ентони Блинкен и на кинескиот министер за надворешни работи Чин Ган.
