Во Техеранскиот институт за медицински науки било спроведено интересно истражување. Научниците собрале две фокус групи, од кои секоја се состоела од 44 жени со прекумерна тежина.
Во текот на 3 месеци и двете групи јаделе по иста шема (1.200 калории на ден) со таа разлика што во дневното мени на првата група вклучиле 1 лажичка кумин (индиски ким). Куминот, или Cuminum cyminum е растение кое потекнува од Иран. Овој зачин го додавале во јогурт со малку маснотии, или во салати.
Резултатот бил импресивен: жените од првата група изгубиле во просек 14% повеќе телесни масти отколку жените од втората група. Овој ефект се објаснува со фактот дека куминот содржи фитостероли кои имаат способност да го намалат нивото на холестерол во крвта.
Исто така, овој зачин е богат со калциум, фосфор и железо. Ја поттикнува работата на бубрезите и гастроинтестиналниот тракт, добар диуретик е. А поради подобрувањето и забрзувањето на липидниот метаболизам во организмот, се смета за одлично средство во борбата против вишокот килограми.
За да се подобри метаболизмот, внесот на семки од кумин треба да биде - 1 лажичка дневно. Додадете го овој зачин во јадења со јајца, месо и сирење, како и во јогурт и салати.
Контраиндикации за консумирање ким: зголемена киселост, гастритис, чир на желудникот, срцеви заболувања, холелитијаза, дијабетес.