Досега повеќе пати имаме пишувано за DeepFake технологијата, пред неколку дена актуелна беше веста дека актерот Брус Вилис ги продал правата за неговото лице на компанија што креира дигитални двојници, но неговиот портпарол ги негираше тврдењата.
Најчесто се пишува за начините како се злоупотребува оваа технологија. Некои пак, ја користат за создавање забавни содржини. Најновите видеа кои станаа хит на TikTok на профилот „Unreal Keanu Reevs“ недвосмислено укажуваат на тоа.
Видеата имаат над 35 милиони лајкови, а лажниот Кијану Ривс е прикажан во најразлични ситуации, некои од нив се и бизарни. Авторот не открива која програма ја користел.
Некои сметаат дека употребил популарен софтвер за изработка на видео игри, пишува Futurism.
Оваа нова технологија го поттикна Microsoft да развие софтвер што детектира дигитална злоупотреба.
@unreal_keanu You spin USB right 'round, baby, right 'round... #keanu #home #club ♬ original sound - Unreal Keanu Reeves
