Италијанскиот дефанзивец го има и на снимка како извикува нешто момент пред Џиџи Донарума да го одбрани решавачкиот пенал на Букајо Сака.
Џорџо Кјелини вели дека му фрлил клетва на Букајо Сака кога тинејџерот го изведуваше пеналот од последната петта серија на финалето на Еврпското првенство.
Момент пред Сака да шутне, Кјелини извикал „Кирикочо“ - збор кој фудбалерите со децении го користат за да нанесат лоша среќа на противникот.
Говорејќи за ESPN Argentina, Кјелини на прашањето од водителот Кристиан Мартин за клетвата одговори потврдно.
„Здраво Кристиан. Ти потврдувам сѐ: Кирикочо!“, призна Кјелини.
Кјелини беше случајно фатен на камера на видеото кое го објави УЕФА прикажувајќи ја реакцијата на Италијанците при последниот пенал на Англија на кое јасно се гледа дека дефанзивецот извикува нешто.
За време на 80-тите години на минатиот Хуан Карлос, со прекар Кирикочо, бил жесток навивач на Естудиантес од населбата Ла Плата во Буенос Аирес. Навивачот одел и на тренинзите на клубот, но тогашниот тренер Карлос Билардо приметил дека неговите фудбалери мистериозно се повредувале секогаш кога Кирикочо присуствувал на тренинг.
Како што вели легендата, Билардо побарал од Кирикочо да не доаѓа на тренинзите на Естудиантес, туку да ги посетува оние на останатите клубови, односно неговите ривали, за неговите проколнати моќи да им наштетат на ривалите наместо на Естудиантес.
„Кирикочо беше дете од Ла Плата кое секогаш беше со нас, и бидејќи таа година станавме шампиони (1982) го посвоивме како наша маскота“, еднаш изјави Билардо.
„Беше добро дете, но потоа никогаш повеќе не го видов. Последниот пат кога го предводев Естудиантес (периодот 2003-04) се распрашав за него и никој не знаеше ништо“, дополни тој.
Легендата за Кирикочо оттогаш се раширила помеѓу фудбалерите во Аргентина, а тие ја однеле и во Европа, особено во Италија каде има голема колонија на аргентински фудбалери. Зборот Кирикочо се користи секогаш кога треба да се проколне противнички фудбалер.
