Лејди Гага го објави спотот за „Hold My Hand“, нејзината песна за претстојниот „Top Gun: Maverick“.
Во видеото, што го режираше Џозеф Косински, режисерот на филмот, се појавува Лејди Гага, а има и кадри од новиот филм, како и од „Top Gun“ од 1986 година, со сите носталгични „нишани“.
Нејзиниот тим, вклучувајќи ја шминкерката Сара Тано, стилистот Фредерик Аспирас и креативниот директор Никола Формичети се одговорни за нејзиниот изглед. Формичети потврди дека јакната што ја носи Гага му припаѓа на Круз и е истата што актерот ја носеше во оригиналот од 1986 година. Тој исто така сподели дека фустанот во стилот на падобран е дизајн по нарачка на украинскиот дизајнер Левер Кутур.
Песната е епско враќање на класичните моќни балади од 80-тите со силно гитарско соло и има солидни шанси да биде фаворит за Оскар во трката за оригинална песна.
Претходно оваа недела, Гага го објави синглот со видеотизер и порака: „Оригиналниот Top Gun излезе во 1986 година, годината кога јас сум родена“.
Гага на Twitetr напиша: „Ја напишав песната за НЕВЕРОЈАТНИОТ филм #topgun #topgunmaverick, но исто така и за луѓето кои се чувствуваат дека нема да бидат океј или дека НИЕ никогаш нема да бидеме океј и дека животот ме научи низ тешки времиња да имам верба во човештвото, кога е тешко да се има верба во себе“.
Гага ја продуцираше песната со редовниот соработник BloodPop, со дополнителна продукција на Бенџамин Рајс.