Несоницата или лошиот сон можат да го зголемат ризикот од дебелина, висок крвен притисок и дијабетес. Но, колку е здраво да пиете таблети за спиење?
„Несоницата е многу често нарушување кое варира меѓу 10 до 30% кај населението. Во пораст е поради високото ниво на стрес. Тоа се случува од различни причини, некои физички, некои психички, а понекогаш и без причини. Физички причини како што се болка, дезориентација, дисфункција на црн дроб и зголемено мокрење во текот на ноќта можат да доведат до нарушување на сонот. Психичките проблеми како што се зголемена анксиозност, стрес поврзан со работата или семејни проблеми и депресија исто така можат да доведат до проблеми со спиењето. Несоницата може да варира од човек до човек“, вели д-рСубаш Чандра, доцент за интерна медицина.
И додека таблетите за спиење изгледаат како решение, како да знаете дека нема да доведат до токсична зависност и нуспојави?
Според д-р Сандип Најар, луѓето треба да ги избегнуваат таблетите за спиење колку што е тоа можно. Повремено можат да се припишат на оние кои имаат медицински причини, операција или траума која предизвикува неиздржлива болка.
Најар вели дека се смета за криминал поттикнувањето кого било да зема таблети за спиење.
„Тоа се штетни лекови и можат да предизвикаат поспаност, главоболка, дијареја или запек, невролошки абнормалности, слабости во мускулите, губење на либидото и други нуспојави“, предупреди Најар.
Луѓето никогаш не треба да ги делат лековите за спиење, бидејќи постојат различни видови со различни ефекти и профили на нуспојави. Тоа што е лек за едно лице, може да биде штетно за друг, зависно од здравствената состојба, функцијата на бубрезите и другите параметри.
Затоа секогаш е потребно консултација со лекар пред користење таблети за спиење за да знаете кои се најбезбедните за вас.
Многу е важно да се знае дека таблетите за спиење предизвикуваат зависност ако се користат подолго од две недели или еден месец, пишува Times Of India.