Комбинацијата од антитела за превенција на COVID-19 која ја разви компанијата AstraZeneca доби одобрување за итна употреба во САД.
Како што се наведува во соопштението, првите дози ќе бидат испорачани за краток период.
„Станува збор за комбинација од моноклонски антитела кои засега се единствена одобрена терапија со антитела во САД за превенција на COVID-19, како и единствена терапија со антитела во форма на инјекција“, се наведува во соопштението.
ФДА го одобри лекот за итна употреба за превенција на COVID-19 кај возрасни и тинејџери постари од 12 години кај кои е нарушен имунолошкиот систем поради болеста, како и кај лица на кои не се препорачува вакцина против COVID-19.
Одобрението за итна употреба во САД е засновано на резултати од повеќе студии, како и од објавените резултати од студијата од 3 фаза кои покажаа дека се намалува ризикот од појава на симптоми на ковид за 83 отсто, ако се користи овој лек. Заштитата трае најмалку 6 месеци.
AstraZeneca ќе го снабди САД со 700.000 дози од новиот лек.