Поранешниот голман на Арсенал, а сега единица на Фулам, Бернд Лено, е во фокус на јавноста откако синоќа предизвика инцидент со момче кое собира топки.
Борнмут со 3:0 го преслуша очајниот Фулам и гостите немаа одговор за одличните „Цреши“, како што е прекарот на овој клуб формиран далечната 1899 година. За нивната немоќ најдобро говори потегот на голманот Бернд Лена, кој заврши во непотребен скандал со момче кое собира топки.
При резултат од 2:0, во средината на првото полувреме, германскиот голман сакаше да добие топката од момчето. Но, момчето од Борнмут, кое стоеше зад голот, само ја држеше топката и чекаше голманот да дојде по неа.
Лено тоа и го направи тоа, а потоа го оттурна момчето, предизвикувајќи еден од најсрамните потези во неговата кариера. Секако, веднаш се најде на удар од целиот стадион „Виталити“, кој жестоко го исвирка. Исто така, во тие моменти веќе имаше добиено жолт картон, па ако судијата Тим Робинсон беше расположен, можеше да му го покаже патот до соблекувалната доделувајќи му втор.
Bournemouth ball boy gets pushed by Fulham goalkeeper Bernd Leno.
byu/TrenAt14 insoccer
За среќа, Лено подоцна му пријде на момчето, му се извини, а потоа со двете раце во воздух му се извини на целиот стадион. Германецот сфати што направил, а дел од публиката му прости.
Интересно, сепак можеше да дојде до посериозна физичка пресметка. Откако Лено го турна момчето, десетина навивачи на Борнмаут истрчаа кон него, по скалите на стадионот, но потоа беа спречени од навремената реакција на редарите.
Навивачите на популарните „Цреши“ беа подготвени да истрчаат на теренот поради нивното момче кое преку ноќ стана популарно, но за среќа до сериозна пресметка не дојде.
