Леонардо Бонучи објави дека на крајот од актуелната сезона ќе стави крај на професионалната фудбалска кариера.
Тој исто така изјави дека се надева дека пред неговото пензионирање ќе успее да ја освои Лига Европа, во која Јувентус стигна до полуфиналето. Утре се игра реваншот против Севиља во Шпанија, првиот меч заврши 1:1.
„Кога ќе престанам да играм следната година, тоа ќе биде крај на дефанзивната ера“, изјави 36-годишниот стопер на Јувентус за клупскиот канал на YouTube. Бонучи се осврна на тоа дека тука заврши славната одбрана на Јувентус составена од Џорџо Кјелини, Андреа Барѕаљи и тој, а на голот беше Џанлуиџи Буфон.
Бонучи дебитираше во професионалниот фудбал во 2006 година како играч на Интер, а до Јувентус стигна преку Витербезе, Интер, Тревизо, Пиза, Џеноа и Бари. За Јуве играше од 2010 година до денес, со исклучок на сезоната 2017/2018 која ја помина во Милан. За Италија забележа 120 настапи и постигна 8 гола.
Освои осум титули во италијанскиот шампионат, четири Копа Италија, а со Италија ја има и титулата европски првак од 2020 година.