Дали веќе го украсивте домот за новогодишните и божикните празници? Па и да украсивте, не е доцна да додадете некој украс кој сте го направиме со вашите две раце.
Љубители сте на мандарини? Не ја фрлајте кората. Но, внимајате да ја лупите во што поголеми парчиња. Така, од таквите парчиња можете со скалпел да обликувате мали елкички кои потоа со шарен конец ќе ги закачите на ѕид. Ем украс, ем пријатен мирис ќе шират.
А декоративна мини елка за на празничната трпеза? Но, ќе треба да уништите доста вилушки. Ако имате некои стари што не ги употребувате, ете идеја како да ги искористите за нешто убаво и корисно.
Може да правите украси и од работи кои се јадат, па потоа и самите украси ќе се изедат. Одлична идеја ако ви доаѓаат гости за празниците. На пример, од две маслинки, парче морков, малку кремсир и една чепкалка можете да направите минијатурни пингвини.
Или, пак, снешковци од две јајца, исто со малку парченца морков и зрна црн бибер како копчиња и очи.
