Левичарскиот политичар со хрватско потекло, Габриел Борич (35), вчера стана најмладиот претседател на Чиле, победувајќи во докрај неизвесната трка со екстремно десничарскиот кандидат Хосе Антонио Каст на изборите што се кулминација на растот на популарноста на проресивната левица во државата.
Врз основа на 99,5% од преброените гласови, Борич освои 55,87% од гласовите, пред кандидатот на десницата Хосе Антонио Каст, кој освои 44,13%, објави чилеанската изборна комисија.
Борич официјално ќе ја преземе функцијата на 11 март следната година. По прогласената победа тој изјави дека ќе се бори против еколошки штетни проекти, меѓу кои се и експлоатацијата на бакар и злато.
– Со уништување на светот, ние се уништуваме себеси. Не сакаме повеќе проекти кои ја уништуваат нашата земја, нашата заедница, рече тој.
Противникот Каст вчера го призна поразот и му честиташе на идниот претседател.
Таткото на Габриел, Луис Борич, потекнува од хрватски имигрант, додека неговата мајка Мариа Фонт е од каталонско потекло. фактички, Габриел е четврта генерација Хрвати во Чиле.
Пред 10 години Борич беше водат на студентското движење како ултра левичар со барања за бесплатно здравство, школство и разни работнички права.