Гари Линекер, една од легендите на англискиот фудбал, ја објасни разликата меѓи симулација и изнудување на пенал.
Во Англија се води активна дебата за Хари Кејн и Мохамед Салах, кои на последните неколку натпревари изнудуваа пенали по минимални контакти, па затоа дел од јавноста ги нарече измамници, а нивната постапка еден од главните проблеми на современиот фудбал.
„Да се обидеш да изнудиш пенал поставувајќи се така што ќе ги принудиш одбранбените играчи да ти направат фаул не е мамење. Тоа е и секогаш било дел од играта. И овие двајца играчи и многу други се добри во тоа. Да паѓаш каде што немало никаков контакт, е тоа е мамење“, објасни Линекер.
Линекер својата кариера во 80-тите и почетокот на 90-тите ја градеше во Лестер, Евертон, Барселона, Тотенхем и Нагоја Грампус. Трипати беше најдобар стрелец во англиското првенство, а беше и најдобар стрелец на Мундијалот во Мексико 1986.