Раскинувањето на соработката со Adidas се покажа како голем финансиски удар на нето вредноста на Кање Вест и тој повеќе не е милијардер, пренесе Forbes.
Се проценува дека договорот со германската компанија за облека е вреден 1,5 милијарди долари и според Forbes, нето вредноста на раперот паѓа на 400 милиони долари. Adidas ја раскина соработката со Вест и соопшти дека итно е запрено производството на Yeezy, неговата линија на облека и чевли.
Причина за прекин на соработката се антисемитските изјави на Кање.
„Adidas не толерира антисемитизам и кој било друг вид говор на омраза“, порачаа од компанијата. „Неодамнешните коментари и постапки на Кање се неприфатливи, полни со омраза и опасни и ги кршат вредностите на компанијата за различности, вклучително и за меѓусебното почитување и почитта“, велат оттаму.
На почетокот на месецов, Instagram профилот на Кање Вест беше делумно блокиран, како и неговиот Twitter профил, поради објави кои се сметаат за антисемитски.
Раперот на модна ревија во Париз се појави со слоганот „Животите не белците се важни“.