Facebook ги поврзува луѓето, служи како платформа за споделување фотографии, информации, вести, мислења, ставови. Извор е на информации и влијае на мислењето на луѓето за вакцинирање против COVID-19.
Најновата анкета спроведена на повеќе од 20.000 луѓе покажа дека луѓето кои најмногу и најчесто се информираат на Facebook, се повеќе склони да одбиваат вакцинација за разлика од останатите.
Во анкетата испитаниците откриле кои извори ги користат за вести и за информации за ковид. Резултатите покажале дека Facebook е најголем извор на информации, веднаш зад CNN и Fox News.
Луѓето кои примарно се информираат на Facebook почесто одбиваат вакцина за разлика од они кои се информираат на Fox News, покажа студијата.
„Дезинформациите можат потенцијално да нанесат голема штета, понекогаш со смртни последици. Тоа е особено точно кога зборуваме за дезинформации поради кои луѓето одбиваат адеквантна медицинска помош“, истакна д-р Џозеф М. Пјер, професор по психијартрија на УКЛА.
Од јуни, 2021 година 99% од сите смртни исходи поврзани со ковид во САД се случиле кај луѓе кои не биле вакцинирани.
„Статистиката говори сама за себе“, вели Пјер.
