На социјалните мрежи се шири фотографија од една од најубавите плажи во светот - заливот Навагио во Грција, а многумина се разочараа откако го видоа количеството отпад што го оставаат туристите.
Плажата Навагио се наоѓа во истоимениот залив, кој е украсен со бели карпи и тиркизни нијанси на синото Јонско Море, а до неа може да се стигне само со брод.
Се наоѓа на островот Закинтос, а важи за „заштитно лице“ на разгледниците и привлекува огромен број туристи. Но, туристите и гужвите кои таму преовладуваат во текот на летото имаат негативна страна.
Неодамнешната фотографија од оваа идилична локација ги разочара корисниците на социјалните мрежи поради количината на ѓубре што несовесните туристи го оставаат таму.
Екологот Михалис Бакас ја објави фотографијата на својот Facebook профил и се запраша како може туристите да бидат толку несовесни.
„Грчко лето 2022. Не можам да разберам како можеш да платиш за да одиш на една од најубавите плажи во светот на неколку часа и да го оставиш ѓубрето таму“, напиша тој.
Ελληνικό καλοκαίρι 2022.. Δεν μπορώ να καταλάβω πώς γίνεται να πληρώνεις για να πας για λίγες ώρες σε μια απο τις...
Posted by Μιχάλης Μπάκας on Monday, August 8, 2022
Шефот на островот Никитас Аретакис за локалните медиуми објасни дека до неодамна плажата била во надлежност на општината и дека тие го отстранувале ѓубрето, но тоа веќе не е така и дека тоа не е нивна одговорност.
