Мадалина Генеа (33), која многумина ја нарекуваат најубавата жена во светот, се појави на премиерата на филмот „House of Gucci“ и блесна како вистинска ѕвезда во секој сегмент.
Многумина синоќешното појавување на Лејди Гага во виолетов фустан на Gucci го оценија како спектакуларно, но романската актерка просто блескаше и никој не остана имун на нејзиниот изглед.
Убавата Мадалина, која го толкува ликот на Софија Лорен во филмот, блесна на црвениот тепих во црн макси фустан со нагласено деколте и раскошен плисиран долен дел. Целиот впечаток е навистина величенствен, а нејзиниот фустан изгледаше совршено.
Да потсетиме, Мадалина Генеа, која живее и работи во Италија, е модел и актерка. Ја открил италијанскиот дизајнер Гатинони, а се забавувала со Џералд Батлер, Мајкл Фасбендер и Леонардо Дикаприо. Таа беше во врска и со трговецот со уметнички дела Вито Шнабел, со кој ја има ќерката Шарлот.
