Одамна откажаната контроверзна реклама за Pepsi на Мадона конечно по повеќе од три децении се емитуваше, и тоа за време на доделувањето на MTV Video Music Awards во вторникот вечерта.
Првично снимена во 1989 година за да се промовира песната „Like A Prayer“, но подоцна беше повлечена откако спотот за песната предизвика гнев во јавноста.
Кралицата на попот му се заблагодари на Pepsi што дозволи рекламата да ја види светлината на денот, истовремено зборувајќи за нејзиниот непоколеблив уметнички интегритет.
„Пред 34 години направив реклама за Pepsi за да го прославам објавувањето на мојата песна 'Like A Prayer'“, напиша таа на Instagram.
„Рекламата беше веднаш откажана откако одбив да сменам која било сцена во видеото каде бакнувам Афроамерикански светец или палам крстови. Така започна мојата славна кариера како уметник кој одбива да го загрози својот уметнички интегритет“, продолжи таа.
Таа потоа му се заблагодари на Pepsi што „конечно ја сфатија генијалноста на нивната соработка“, со порака дека „уметниците се тука за да го нарушат мирот“.
Снимена главно во црно-бело, рекламата покажува многу помлада Мадона како седи пред телевизор со лименка Pepsi в рака додека се гледа себеси на ТВ екранот.
Двеминутната реклама за прв пат се емитуваше на 2 март 1989 година - еден ден пред да биде објавен музичкиот спот за „Like A Prayer“.
Сепак, видеото „Like A Prayer“ брзо се покажа контроверзно бидејќи со своите слики и сексуални теми ги вознемири религиозните групи.
Наредниот месец Pepsi реши да ја откаже рекламата на Мадона откако беше преплавен со поплаки од потрошувачи кои погрешно веруваа дека музичкото видео и рекламата на Pepsi се едно исто.
