Трите македонски претставници во најслабото европско клупско натпреварување на денешната жрепка ги добија своите противници.
Откако шампионот Струга ја дозна својата судбина во квалификациите за пласман во Лигата на шампионите, следуваше жрепката за Лига Европа, па на крајот и онаа за Европа конференциската лига - најмладото натпреварување на УЕФА кое влегува во својата трета сезона.
Бидејќи Македонија има слаб клупски коефициент, освен шампионот кој игра во Лигата на шампионите, сите останати претставници и оваа година ќе играат во третиот ешалон, без место во Лига Европа.
Победникот на Купот, екипата на Македонија ЃП, за противник го доби латвискиот тим на РФС.
Второпласираниот Шкупи беше извлечен да игра против литванскиот Хегелман, додека Шкендија за противник го доби велшкиот Хаверфордвест.
Шкупи и Шкендија добија одлични противници за кои реално е да се очекува да ги минат и да го продолкжат европското лето барем за едно коло, додека „Лавовите“ од Ѓорче нема да имаат лесна задача против солидниот тим на РФС.
Првите натпревари ќе се играат на 13 јули (четврток), а реваншите седум дена подоцна (20-ти)
