Велшкиот фудбалер Гарет Бејл уште еднаш го навлече гневот на навивачите на Реал Мадрид.
Камерите го фатија Бејл на тренинг со репрезентацијата на Велс на кој учествуваше заедно со остатокот од тимот. Тоа нмаше да биде чудно ако Бејл не го пропуштеше натпреварот против Барселона затоа што беше повреден.
Шпанска Marca го нарече Бејл „велшки паразит“ бидејќи според нив со години така се однесува во Реал Мадрид. Тој има една од највисоките плати во клубот кој го плати 100 милиони евра, а оваа сезона играше само петпати и постигна еден гол.
„Паразитот Бејл потекнува од студената и дождлива Британија.Тој се населил во Шпанија, во Реал Мадрид, каде прво се преправал дека го сака својот клуб, но потоа, во склад со својата природа, почнал да му ја цица крвта и да не дава ништо за возврат. Тој паразит не цица се само крв, туку и клупски пари“, пишува Marca во својот текст.
Бејл подготви одговор на критиките од шпанските медиуми и навивачи.
„Не ме интересира што пишуваат шпанските медиуми за мене. Тоа е губење време за мене. Не ги читам. Би можел да кажам многу повеќе, но подобро да молчам“, изјави Бејл на прес-конференција за велшката репрезентација.
