Славната актерка Марго Роби за малку ќе се откажела од глума по нејзината голема улога во филмот „The Wolf of Wall Street“. Вели дека за неа улогата во тој филм била голем товар, поради зголеменото внимание на јавноста.
„Се случуваше нешто во тие рани фази и сè беше многу грдо“, изјави неодамна Роби за медиумите. „Се сеќавам дека ѝ кажав на мајка ми дека не мислам ова да го работам, а таа само рамнодушно ме погледна и ми рече дека е предоцна за тоа. Во тој момент сфатив дека можам да одам само напред“, се присети актерката.
И добро е што се одлучила за тоа, бидејќи Роби денес важи за една од најплатените и најбараните актерки во Холивуд.
„Се обидувам да им објаснам на луѓето дека во мојата работа и во овој свет подемите се навистина високи, а падовите многу ниски. И претпоставувам дека ако имате среќа, на крајот ќе успеете да ги балансирате работите и најдете златна средина“, заклучи познатата актерка.
