Сателитот на Европската вселенска агенција (ЕСА) под името ERS-2 денеска ќе падне на Земјата, а ќе прелета над нашето соседство.
ERS-2 беше лансиран од Земјата во 1995 година и се користеше за мапирање на нашата планета, а престана да работи во 2011 година. Научниците од ЕСА процениле дека ќе се сруши на Земјата во рок од 25 години, а вчера беше објавено дека тоа се очекува да се случи денеска.
За време на неговиот пад на Земјата, сателитот широк 11 метри и тежок 2,3 тони вечерва ќе прелета и над Централна Европа, а според најновите проценки на веб-страницата n2yo.com, која ги следи траекториите на сателитите над Земјата, тој во 17:56 треба да биде над Полска, во 17:54 да ја прелета Босна и Херцеговина, а во 17:52 веќе да ја одминува Грција.
Со оглед на тоа дека се работи за неконтролиран пад, точното време на неговите прелети сепак не може да се потврди и е само прогноза, имајќи предвид дека неговата траекторија малку се менува бидејќи сателитот е под влијание на атмосферското триење. На пример, синоќешните предвидувања една од можните траектории сместуваа над Србија, Македонија и Грција, а денеска истата е позападно.
Додека се пробива низ атмосферата, ќе почне да се распаѓа во спектакуларна експлозија. Доколку тоа се случи во моментот кога ќе ја прелетува соседна Албанија и е често небо, можно е да биде видлив и од некои делови на Македонија. Сателитот ќе се движи десет пати побавно од метеорите кои патуваат низ земјината атмосфера со брзина од 70 км во секунда.
Треба да се нагласи дека нема опасност од паѓање на ERS-2 на Балканскиот Полуостров. Дури и да се распадне над Балканот, тие делови ќе изгорат во атмосферата и нема да паднат на земја, а останатите ќе паднат во океанот, пренесе ЕСА.
Движењето на сателитот во живо може да се следи тука.
