Вселенската трка меѓу двајцата најбогати луѓе во светот доби нови размери откако првиот човек на Tesla, Илон Маск му се потсмеа на обидите на Џеф Безос да го оспори неговиот голем договор со НАСА.
Двајцата милијардери, кои се обидуваат да лансираат орбитални ракети од долг домет, се натпреваруваа за привлечен договор со американската влада за изградба на вселенски брод што ќе ги однесе астронаутите на Месечината во 2024 година.
Победи Маск, а Безос не беше баш среќен поради тоа. Неговата компанија Blue Origin се пожали на надлежниот владин уред обвинувајќи ја НАСА за измени на условите во натпреварот во последен миг.
Маск му возврати со твитот „Не може да се дигне до орбитата, ќе умрам од смеење“, без да додаде дополнително објаснување.
Blue Origin прилично заостанува зад SpaceX и United Launch Alliance во превоз до орбитата, што резултираше со губење договори вредни милијарди долари за лансирање од 2022 година.
