Милијардерот Илон Маск го посети седиштето на Twitter во Сан Франциско, пред потпишувањето на договорот за купопродажба, потврди Лесли Берланд, главната директорка на маркетинг во Twitter.
„Како што наскоро ќе видете или слушнете, Илон неделава ќе биде во седиштето на компанијата. Ќе има средби со луѓето, ќе шета по ходници и ќе продолжи да се занимава со работата што вие ја правите“, изјави Берланд за CNN Business.
„Ако сте овде и го видите во близина, поздравете се. За сите останати, ова е само почеток на многуте состаноци и разговори со Илон“, порача таа.
Додаде дека сите вработени во Twitter директно ќе се слушнат со Маск во петок. Набргу по објавувањето на пораката, Маск на Twitter објави видео како влегува во канцелариите, носејќи мијалник во рацете и предизвика урнебесни реакции на интернет.
До крајот на неделата Маск има рок да ја договори зделката вредна 44 милијарди долари за купување на компанијата или да се соочи на судење.
Тој веќе си ја промени биографијата во „шеф на Twitter“.
Ова се дел од рекациите за видеото на Маск: